عبدالرحمان مسجد افغانستان کے دارالحکومت کابل میں واقع مسجد ہے جس کا شمار افغانستان کی بڑی مساجد میں ہوتا ہے۔مسجد کا نام معروف تاجر حاجی عبدالرحمان کے نام پر رکھا گیا ہے۔ انھوں نے یہ مسجد تعمیر کرانی شروع کی، اس دوران میں وہ وفات پا گئے۔ اس کے بعد ان کے بیٹوں نے اس منصوبے کو جاری رکھا۔ 2001ء میں اس کی تعمیر کا کام شروع ہوا۔ اس مسجد میں 10 ہزار سے زائد نمازیوں کی گنجائش ہے۔ اس مسجد کے اندر ایک دینی مدرسہ بھی ہے اور ایک کتب خانہ بھی ہے جس میں ایک لاکھ پچاس ہزار سے زائد کتب موجود ہیں۔