الکوت فورٹ (عربی: الكوت فورت " جو عام طور پر “دوحہ فورٹ“ کے نام سے مشہور ہے، ایک عسکری قلعہ ہے جو قطر کے دار الحکومت دوحہ کے صدر میں واقع ہے۔ یہ قلعہ 1927ء کو شیخ عبداللہ بن جاسم الثانی نے تعمیر کروایا۔ شیخ جاسم 1913ء سے 1949ء تک قطر کے حکمران رہے۔ اب اس قلعے کو ایک عجائب گھر میں تبدیل کیا گیا ہے۔
الکوت قلعے کو 1927ء میں ا وقت کے قطری حکمران شیخ عبداللہ بن جاسم الثانی نے تعمیر کروایا۔ یہ قلعہ ابتدائی طور پر ایک تھانہ کے طور پر 1880ء میں تعمیر کیا گیا جبکہ 1906ء میں اسے ایک جیل خانہ کی حیثیت سے استعمال کیا گیا۔ بعض لوگوں کے مطابق شیخ عبد اللہ نے اس قلعہ کو سوق واقف کی چوروں سے حفاظت کے پیش نظر تعمیر کروایا۔ 1978ء میں قلعے کو عجائب گھر میں تبدیل کر دیا گیا۔
الکوت قلعہ البدع کے قریب سوق واقف کے وسط میں واقع ہے۔