گولکنڈہ (Golkonda) جنوبی ہندوستان میں قدیم سلطنت قطب شاہی کا دارالحکومت اور ایک شہر تھا جس کے کھنڈرات اب بھی باقی ہیں۔ یہ حیدرآباد کے مغرب میں 11 کلومیٹر کے فاصلے پر واقع ہے۔
یہ علاقہ دنیا بھر میں اسکی کانوں سے ہیرے جواہرات کی کان کنی کے لیے مشہور ہے۔ یہاں سے ملنے والے ہیروں میں کوہ نور، دریائے نور، ہوپ ڈایمنڈ، آئڈل آئی دنیا کے مشہور ہیرے ہیں۔
گولکنڈہ کی ترقی میں سب سے اہم کردار ابراہیم قلی قطب شاہ ولی کا ہے جو کہ سلطنت قطب شاہی کے چوتھے قطب شاہی (بادشاہ) تھے۔