کیئرلیوروک کیسل (انگریزی: Caerlaverock Castle) اسکاٹ لینڈ کے جنوبی ساحل کی جانب ڈمفریس اور گیلووے سے 11 کلومیٹر جنوب میں واقع ایک قلعہ ہے۔ یہ قلعہ اپنی تکونی طرزِ تعمیر اور شاندار آرکیٹکچر سے اہل فن کو اپنی جانب متوجہ کیے ہوئے ہے۔ یہ قلعہ کی تعمیر تیرہویں صدی میں شروع ہوئی اور اسے میکسویل خاندان نے تعمیر کرایا تھا۔ اسکاٹ لینڈ کی آزادی کی جنگوں کے دوران انگریزوں نے اس خالی قلعے پر اس وقت قبضہ جمایا جب میکسویل خاندان نے اسے خالی کر دیا تھا۔ تیرہویں صدی سے سترہویں صدی تک مختلف شاہانِ اسکاٹ لینڈ نے اس قلعے کی تزئین و آرائش کا کام جاری رکھا۔ آج اس قلعے کو قومی ثقافتی ورثے اور ان تاریخی عمارات میں شمار کیا جاتا ہے، جنہیں دیکھنے کے لیے دنیا بھر سے سیاح آتے ہیں، کیونکہ اس کی طرزِ تعمیر دنیا بھر میں منفرد و انوکھی ہے۔